ریاض ۔ کے این واصف
سعودی وزارت حج وعمرہ نے داخلی عازمین کے لیے نسک پلیٹ فارم پر حج پیکیج کی بکنگ کا اعلان کیا ہے۔اندرون مملکت سے اس سال حج کرنے والے خواہشمند ڈیجیٹل پلیٹ فارم پر درخواستیں جمع کرا سکتے ہیں۔عاجل نیوز نے وزارتِ حج وعمرہ کے حوالے سے بتایا کہ سعودی شہری اور مملکت میں مقیم غیرملکی جو اس سال حج کرنے کے خواہش مند ہیں وہ مختلف نوعیت کے پیکیجز حاصل کرنے کے لیے “نسک” ڈیجیٹل پلیٹ فارم پر درست معلومات اپ لوڈ کریں۔
وہ خواتین جو محرم سے استثنیٰ حاصل کرنا چاہتی ہیں انہیں بھی اس کی وضاحت بیان کرنا ہوگی تاکہ انہیں بغیرمحرم کے پرمٹ جاری کیا جا سکے۔ بکنگ کر سکتے ہیں۔واضح رہے داخلی عازمین کے لیے حج پیکیجز پہلے آئیے پہلے پائیےکی بنیاد پر بک کیے جاتے ہیں۔قبل ازیں سعودی وزارت حج وعمرہ نے اعلان کیا تھا کہ 104 ممالک
کے لیے نسک پلیٹ فارم کے ذریعے ڈائریکٹ حج پیکیجز کی رجسٹریشن کا آغاز اتوار سے کیا جارہا ہے۔ وزارت حج وعمرہ کی جانب سے 104 ممالک کے شہریوں کے لیے نسک پلیٹ فارم کے ذریعے براہ راست حج پیکجز بک کرنے کی سہولت فراہم کی ہے۔
