وزیر اعظم نریندر مودی نے آج لوک سبھا میں کی گئی اپنی تقریر کے دوران اپوزیشن کو ہدف بنانے کے لیے ایک بار پھر پرانی باتوں کو دہراتے ہوئے نظر آئے۔ انھوں نے مہنگائی و بے روزگاری کے تعلق سے اپوزیشن کے ذریعہ اٹھائے گئے سوالات کا جواب دینے کی جگہ، موجودہ حالات کے لیے گزشتہ حکومتوں کو ہی ذمہ دار ٹھہراتے رہے۔ پی ایم مودی کی اس تقریر پر اب اپوزیشن لیڈران کا سخت رد عمل سامنے آ رہا ہے۔ کانگریس جنرل سکریٹری اور وائناڈ سے رکن پارلیمنٹ پرینکا گاندھی نے تو کہا ہے کہ ایسا لگتا ہے جیسے پی ایم مودی کا عوام سے رشتہ ہی ٹوٹ گیا ہے۔
’لگتا ہے پی ایم مودی عوام سے کٹ چکے ہیں‘، لوک سبھا میں پی ایم مودی کی تقریر پر اپوزیشن کا سخت رد عمل
