[]
حیدرآباد: اسکول بس کی زد میں آکر ایک تین سالہ لڑکا ہلاک ہوگیا۔ یہ حادثہ تلنگانہ کے ضلع ورنگل کے چنتائی پلی گاوں میں پیش آیا۔
اس لڑکے کی ماں ممتا اپنے بڑے بیٹے کو اسکول بس میں چھوڑنے کیلئے آئی تھی۔
اسی دوران خاتون کے ساتھ اسکول بس کے قریب پہنچے چھوٹا بیٹا اپنے بڑے بھائی کو وداع کرنے کیلئے آگے بڑھا کہ اچانک پیر پھسل کر وہ اسکول بس کے پچھلے پہیہ میں آگیا جس کے نتیجہ میں ا س کی موقع پر ہی موت ہوگئی۔
اس واقعہ کے بعد گاوں میں غم کی لہردوڑگئی۔اس حادثہ کی اطلاع کے ساتھ ہی پولیس نے وہاں پہنچ کر صورتحال کا جائزہ لیا۔
پولیس نے اس خصوص میں ایک معاملہ درج کرکے جانچ شروع کردی۔
