[]
بنگلورو میں لائیو ان پارٹنر کو پریشر ککر سے قتل کرنے کے الزام میں ایک شخص گرفتار
بنگلورو: ایک شخص نے اپنی داشتہ (لِو اِن پارٹنر) پر بے وفائی کا شبہ کرکے اسے پریشر کوکر سے موت کے گھاٹ اتاردیا۔
ملزم کی شناخت کیرالا کے کولم کے ویشنو کی حیثیت سے کی گئی۔ وہ کیرالا کی ہی 24سالہ دیوا کے ساتھ مقیم تھا۔
دونوں ہم جماعت تھے اور ایک ہی کالج میں زیرتعلیم تھے۔ ابتدائی تحقیقات میں انکشاف ہوا کہ یہ جوڑا خانگی کمپنیوں میں ملازم تھا۔
مرد کو دیوا کی بے وفائی کا شبہ تھا جس پر اکثر دونوں میں جھگڑا ہوتا تھا۔ اتوار کو یہ جھگڑا بڑھ گیا اور ملزم نے پریشر کوکر خاتون کے سر پر دے مارا۔
وہ زخموں سے جانبر نہ ہوسکی۔ اگرچیکہ ویشنو نے فرار ہونے کی کوشش کی مگر بعد ازاں پولیس نے اسے گرفتار کرلیا۔ اس معاملے کی مزید تحقیقات جاری ہے۔
