تلنگانہ میں گریجویٹ اور ٹیچرس کے ایم ایل سی انتخابات کا شیڈول جاری کر دیا گیا ہے۔ ان انتخابات کے لیے 3 فروری کو نوٹیفکیشن جاری ہوگا، جبکہ 27 فروری کو ووٹنگ ہوگی۔ ووٹوں کی گنتی 3 مارچ کو ہوگی اور اسی دن نتائج کا اعلان کیا جائے گا۔
ریاست میں دو ٹیچرس اور ایک گریجویٹ ایم ایل سی سیٹ کے لیے انتخابات ہوں گے۔ ورنگل-کھمم-نلگنڈہ ٹیچرس نشست، میدک-نظام آباد-عادل آباد-کریمنگر ٹیچرس نشست، اور میدک-نظام آباد-عادل آباد-کریمنگر گریجویٹ نشست پر ووٹنگ ہوگی۔ ان اضلاع میں فوری طور پر انتخابی ضابطہ اخلاق نافذ ہو جائے گا۔
فی الحال میدک-نظام آباد-عادل آباد-کریمنگر گریجویٹ نشست سے کانگریس کے جیون ریڈی، اسی حلقے کی ٹیچرس نشست سے کورا رگھوتم ریڈی، اور ورنگل-کھمم-نلگنڈہ ٹیچرس نشست سے نرسا ریڈی ایم ایل سی ہیں۔ ان تینوں کا عہدہ 29 مارچ کو ختم ہو جائے گا۔
-پرچہ نامزدگی جمع کرانے کی آخری تاریخ: 10 فروری
– پرچہ نامزدگی کی جانچ : 11 فروری
– نامزدگی واپس لینے کی آخری تاریخ: 13 فروری
– پولنگ: 27 فروری (صبح 8 بجے سے شام 4 بجے تک)
– ووٹوں کی گنتی: 3 مارچ
