ڈونلڈ ٹرمپ نے 20 جنوری کو اپنے دوسرے دورِ صدارت کی حلف برداری کے فوری بعد اس ایگزیکٹو آرڈر پر دستخط کیے تھے۔ اس کے تحت امریکی ایجنسیوں کو ہدایت دی گئی تھی کہ وہ ایسے افراد کو امریکی شہریت فراہم نہ کریں جن کے والدین امریکی شہری نہیں ہیں۔
ڈیموکریٹک ریاستوں واشنگٹن، ایری زونا، الینوائے اور اوریگن کی جانب سے دائر درخواست میں کہا گیا کہ یہ حکم آئینی حقوق کی خلاف ورزی ہے۔ عدالت کے فیصلے پر انسانی حقوق کے کارکنوں اور ڈیموکریٹک جماعت نے خوشی کا اظہار کیا ہے۔
