حیدرآباد: دوسرے مسلسل دن حیدرآباد میں انکم ٹیکس (آئی ٹی) کے عہدیداروں کی مختلف ٹیموں نے بڑے پیمانہ پر چھاپے مارے۔
ان میں مشہور فلم پروڈکشن ہاؤسز جیسے سری وینکٹیشورا کریئیشنس، مائتری مووی میکرس اور مینگو میڈیا تھے۔
ان چھاپوں کا مقصد بڑی فلموں کے بجٹ کے دستاویزات کی جانچ کے ذریعہ آمدنی کی تصدیق کرنا تھا، پشپا 2 جیسے ہائی پروفائل پروجیکٹ پران چھاپوں کے دوران توجہ مرکوزکی گئی۔
آئی ٹی عہدیداروں نے مالیاتی ریکارڈس کا معائنہ کیا تاکہ ایسے لین دین کا پتہ چلایاجائے جن کے بارے میں انکشاف نہیں کیاگیا۔
اس کارروائی کا ایک اور مقصد ممکنہ ٹیکس بے ضابطگیوں کا انکشاف کرنا بھی تھا۔ پہلے دن، آئی ٹی عہدیداروں نے پروڈیوسر دل راجو کی بیوی تیجسونی سے پوچھ گچھ کی اور خاندان کے بینک لاکرس کی جانچ کی۔
آج پروڈکشن ہاؤس سے متعلق اضافی دستاویزات اور مالیاتی ریکارڈس کا جائزہ لیا گیا۔بتایاجاتا ہے کہ پروڈیوسر دل راجو کو مزید پوچھ گچھ کے لئے طلب کیا جا سکتا ہے۔
ہمیں فالو کریں
