تروپتی: تروپتی میں پولیس نے مشہور ٹالی ووڈ اداکار بال کرشنا کے ان 5 مداحوں کے خلاف ایف آئی آر درج کرلی ہے جن کے بارے میں بتایاجاتا ہے کہ انہوں نے حال میں ہوئی ریلیز’فلم‘ ڈاکومہاراج‘ کی کامیابی کیلئے سرعام ایک بکرے کی بلی(بکرے کا سرقلم کیا) دی۔
پیپلز فاراتھیکل ٹریٹمنٹ آف انیملس (پیٹا PETA) انڈیا نے کہا کہ ہم نے تروپتی پولیس کے ساتھ مل کر بی این ایس کے مختلف دفعات اور اے پی جانوروں اور پرندروں کی قربانی(ممنوعہ) ایکٹ کے دفعات کے تحت ایف آئی آردرج کرائی ہے۔ 12جنوری کو تروپتی کے ٹاٹانگر میں پرتاپ مووی تھیٹر کے باہر ایک بکری کو ہلاک کیاگیا۔
اسی دن ڈاکومہاراج فلم ریلیز ہوئی تھی۔ بکری کو بلی چڑھانے کا ویڈیوسوشل میڈیا پر خوب وائرل ہوا۔ تروپتی ایسٹ پولیس اسٹیشن کے ایک ہیڈکانسٹبل کی رپورٹ کے بعد کہ جرم کا ارتکاب کیاگیا‘16جنوری کی شام ایف آئی آردرج کرلی گئی۔ پیٹاانڈیا کے مطابق ویڈیو میں دکھایاگیا کہ خوف زدہ بکری کے اطراف کئی افراد کھڑے تھے۔
ویڈیو میں یہ بھی دکھایاگیاکہ بکری ہوش میں تھی اور ایک بڑی چھری سے بکری کا سرقلم کردیاگیا۔ برسرعام بکری کو بلی چڑھایاگیا۔ ویڈیو میں ایک شخص کو بلی کی بکری کے خون کو فلم کے پوسٹر پر لگاتے ہوئے دیکھاجاسکتا ہے۔ پیٹا انڈیا نے اس واقعہ کی مذمت کی ہے۔
ایک جانور کو بے دردی سے ہلاک کرنا اور اس کے خون کو فلم کے پوسٹر پرلگانے سے کوئی سوپرفیان نہیں ہوتا۔ یہ حرکت آپ کو ویلن اور ایک مجرم بنادے گی۔ حقیقی مداح اپنے فلم کے ٹکٹوں سے اپنے محبوب اداکار کے ساتھ جشن مناتے ہیں اور سوشل میڈیا پر پوسٹ کرتے ہیں۔
ہمیں فالو کریں
