کانگریس کی ’کسان مزدور سمّان و نیائے یاترا‘ ملتوی، مہاکمبھ کے پیش نظر 16 فروری کے بعد شروع کرنے کا فیصلہ

امیٹھی سے کانگریس رکن پارلیمنٹ کشوری لال شرما نے کسانوں سے متعلق اس یاترا کے بارے میں اپنی بات رکھتے ہوئے کہا کہ ’’جب ’کسان مزدور سمّان و نیائے یاترا‘ کا خیال سامنے آیا تو ہم سب سے صلاح و مشورہ کیا گیا۔ اس یاترا کی سوچ کو ہمارے صدر محترم نے بھی حوصلہ بخشا اور اس کی حمایت دینے کی بات کہی ہے۔‘‘ انھوں نے مزید کہا کہ ’’اتر پردیش میں ہم بڑھ چڑھ کر ’کسان مزدور سمّان و نیائے یاترا‘ کو حمایت دیتے ہوئے آگے بڑھائیں گے۔ کانگریس ہمیشہ کسانوں کے حق اور اختیارات کی لڑائی لڑتی رہی ہے۔ اس لڑائی میں ہم سب ساتھ ہیں۔‘‘