درگاہ کے سربراہ نے کہا کہ یہ ہندوستان کی تہذیب اور ثقافت ہے کہ تمام مذاہب ، تمام مذہبی رہنماؤں اور مذہبی مقامات کا احترام کیا جانا چاہیے۔
تصویر آئی اے این ایس
راجستھان کے اجمیر میں واقع دنیا کے مشہور صوفی بزرگ خواجہ معین الدین حسن چشتی کی درگاہ کے سربراہ نصیر الدین چشتی نے عرس کے موقع پر وزیر اعظم نریندر مودی کی طرف سے پیش کی گئی چادر کا خیرمقدم کرتے ہوئے کہا ہے کہ عرس کے موقع پر پیش کی گئی چادر کا خیرمقدم ہے۔ ان لوگوں کو جواب ملے گا جو گزشتہ کچھ دنوں سے مندر مسجد تنازعہ پیدا کرنے اور ملک کا ماحول خراب کرنے کی کوشش کر رہے ہیں۔
چشتی نے جمعرات کو اپنے بیان میں کہا کہ وہ وزیر اعظم کی چادر کا خیرمقدم کرتے ہیں اور ہندوستان کی یہ روایت رہی ہے کہ آزادی کے بعد سے ملک کے تمام وزرائے اعظم عرس کے موقع پر درگاہ پر چادر بھیجتے رہے ہیں۔ وزیر اعظم نریندر مودی بھی 2014 سے اس روایت کو برقرار رکھے ہوئے ہیں اور جب سے وہ وزیر اعظم بنے ہیں پوری عقیدت کے ساتھ چادر بھیج رہے ہیں۔
انہوں نے کہا کہ یہ ہندوستان کی تہذیب اور ثقافت ہے کہ تمام مذاہب، سبھی دھرم، تمام مذہبی رہنماؤں اور مذہبی مقامات کا احترام کیا جانا چاہیے۔ انہوں نے کہا کہ مرکزی پارلیمانی امور اور اقلیتی وزیر کرن رجیجو نے درگاہ پر وزیراعظم کی طرف سے چادر چڑھائی۔
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
