سپریم کورٹ میں سماعت شروع ہونے سے قبل پتنجلی نے مانگی عام معافی، کہا- ’آئندہ ایسی غلطی نہیں دہرائی جائے گی‘

رام دیو کی پتنجلی آیوروید کی طرف سے یہ معافی ایسے وقت میں سامنے آئی ہے جب سپریم کورٹ نے گمراہ کن اشتہارات پر رام دیو اور آچاریہ بال کرشن کی سرزنش کی تھی۔ اس معافی نامے میں کہا گیا ہے کہ پتنجلی آیوروید معزز سپریم کورٹ کے وقار کا پوری طرح احترام کرتی ہے۔ ہم اپنے وکیلوں کے ذریعے عدالت عظمیٰ میں بیان دینے کے بعد بھی اشتہار شائع کرنے اور پریس کانفرنس منعقد کرنے کی غلطی پر معذرت خواہ ہیں۔