[]
پڈوچیری میں کی گئی اپنی تقریر کے دوران کانگریس صدر کھڑگے نے کہا کہ ’’پڈوچیری ثقافت اور تاریخ سے خوشحال زمین ہے۔ یہ کانگریس پارٹی کی سخت محنت تھی جس نے پڈوچیری کو فرانسیسی نوآبادیاتی حکومت کے چنگل سے آزادی دلائی۔ مرکز کی کانگریس حکومت نے ہی پڈوچیری کو مرکز کے زیر انتظام خطہ کا درجہ دیا تھا۔ کانگریس کا کام ابھی ختم نہیں ہوا ہے، کیونکہ پڈوچیری کو مکمل ریاست کا درجہ دیا جانا چاہیے۔‘‘ کھڑگے نے اپنے خطاب میں کانگریس کے انتخابی منشور کا بھی تذکرہ کیا اور کہا کہ مرکز میں انڈیا اتحاد کی حکومت بننے پر انتخابی منشور میں شامل سبھی گارنٹیوں کو پورا کیا جائے گا۔
