[]
کولکتہ: چیف منسٹر مغربی بنگال ممتا بنرجی نے پیر کے دن دعویٰ کیا کہ وزیراعظم نریندر مودی نے 4 جون کے بعد بدعنوانی کے خلاف کارروائی کا جو وعدہ کیا ہے اس کا مطلب اپوزیشن قائدین کو لوک سبھا انتخابات کے بعد جیلوں میں بند کردینا ہے۔
19 اپریل تا یکم جون 7 مرحلوں کے لوک سبھا انتخابات کے نتائج کا اعلان 4 جون کو ہوگا۔ بانکورہ میں ریالی سے خطاب میں ٹی ایم سی سربراہ نے الزام عائد کیا کہ این آئی اے مقامی پولیس کو جانکاری دیئے بغیر بھوپتی نگر(ضلع مشرقی مدنا پور) گئی تھی۔
ممتابنرجی نے کہاکہ وزیراعظم‘انتخابی ریالیوں سے خطاب کے لئے مغربی بنگال آرہے ہیں۔
مجھے اس پر کوئی اعتراض نہیں لیکن وہ لوک سبھا الیکشن کے بعد کرپشن کے معاملہ میں اپوزیشن کے خلاف سخت کارروائی کی جو بات کررہے ہیں وہ ناقابل قبول ہے۔ 4 جون کے بعد اپوزیشن قائدین کو جیل میں ڈال دینا دراصل مودی کی گارنٹی ہے۔
ہمیں فالو کریں
