[]
حیدرآباد: آندھراپردیش کی وجئے واڑہ پولیس نے این ٹی آر پولیس کمشنریٹ کے حدود میں تین مقامات پر چھاپوں کے دوران 30 کلو گرام سے زیادہ گدھے کا گوشت ضبط کیا ہے۔
پولیس نے گدھے کا گوشت فروخت کرنے والے پانچ افراد کے خلاف ایف آئی آر درج کرلی۔پیٹاانڈیا کے علاوہ ایک اور تنظیم کی شکایت پر پولیس نے کارروائی کی اورایف آئی آر درج کرلی۔
کرشنا لنکا، ستیہ نارائن پورم، اور پٹاماتا پولیس اسٹیشنوں میں تعزیرات ہندکی مختلف دفعات کے تحت گدھوں کا گوشت فروخت کرنے والوں کے خلاف مقدمہ درج کیا گیا۔
ضبط شدہ گوشت کو میونسپل حکام نے ضروری رسمی کارروائیاں مکمل کرنے کے بعد تلف کر دیا۔
پیٹا انڈیا کی قبل ازیں کی کارروائی کے نتیجہ میں آندھرا پردیش میں 78 گدھوں کو بچایا گیا اور 1000 کلو گرام سے زیادہ گوشت ضبط کر کے تلف کیا گیا۔
ہمیں فالو کریں
