کانگریس نے شیئر کیا ’مودی واشنگ مشین‘ کا ویڈیو اشتہار، سوشل میڈیا پر خوب ہو رہا وائرل

اس ویڈیو اشتہار کو شیئر کرنے سے قبل کانگریس کے ’ایکس‘ ہینڈل سے ایک ایسا پوسٹ بھی کیا گیا ہے جس میں لکھا گیا ہے ’’مودی کی واشنگ مشین: سب گناہ دھل جاتے ہیں۔‘‘ اس پوسٹ میں 16 ایسے لیڈروں کی تصویر بھی شائع کی گئی ہے جو کہ دوسری پارٹیوں میں بدعنوانی کے الزامات کا سامنا کر رہے تھے اور بی جے پی میں یا این ڈی اے اتحاد میں شامل کے بعد وہ سکون کی زندگی گزار رہے ہیں۔ جن لیڈروں کی تصویر شائع کی گئی ہے ان میں اجیت پوار، پرفل پٹیل، ہیمنت بسوا سرما، اشوک چوہان، نوین جندل، گیتا کوڑا وغیرہ شامل ہیں۔