[]
اسٹاک ہوم: سویڈن کے دارالحکومت اسٹاک ہوم میں ایرانی نژاد خاتون نے قرآن مجید کا نسخہ نذر آتش کر دیا۔ انادولو خبر رساں ایجنسی کی رپورٹ کے مطابق، 47 سالہ بیرامی مارجن نے مالورین جھیل کے ساحل پر بروما ضلع کے انگبیباڈیٹ بیچ پر قرآن پاک کا نسخہ جلا دیا۔ ایسا کرنے کے بعد خاتون نے کہا کہ تمام مذاہب کو ختم کر دیا جانا چاہیے۔
حالیہ مہینوں میں سویڈن اور ڈنمارک میں قرآن مجید کے نسخوں کو نذر آتش کرنے کے متعدد واقعات پیش آئے ہیں۔ زیادہ تر مسلم ممالک نے ان واقعات کی مذمت کی ہے اور کچھ نے دونوں ممالک کے سفیروں کو طلب کرکے احتجاج کیا ہے۔
گزشتہ ماہ اسٹاک ہوم میں قرآن مجید کے نسخے کو نذر آتش کرنے کے بعد سینکڑوں عراقی مظاہرین نے سویڈن کے سفارت خانے پردھاوا بول دیا تھا۔
