[]
حیدرآباد: بی آر ایس کی رکن کونسل کے کویتا نے کہا کہ کانگریس حکومت جی ا و 3 کے ذریعہ لڑکیوں کے حقوق سلب کر رہی ہے۔ آج یہاں میڈیا سے بات کرتے ہوئے انہوں نے کہا کہ اس جی او کی وجہ سے خواتین کے لیے روزگار کے مواقع کم ہوں گے۔
انہوں نے کہا کہ کل اعلان کردہ رہایشی اسکولس میں تقررات کی فہرست میں صرف 77 جائیدادیں پر خواتین کے حصّہ میں آئی ہیں جملہ 6000 نوکریوں میں سے صرف 70 نوکریاں ہی خواتین کو دی گئی ہیں۔ انہوں نے مطالبہ کیا کہ حکومت فوری طور پر جی او نمبر 3 کو منسوخ کرے جو خواتین کے ساتھ ناانصافی پر مبنی ہے۔
انہوں نے کہا جی ا و 3 کے خلاف احتجاج جاری رہے گا۔ کویتا نے کہا کہ 8 مارچ کو یوم خواتین کے موقع پر دھرنا چوک اندرا پارک پرجی او 3 کے خلاف خواتین احتجاجی دھرنا دیں گی۔
انہوں نے کہا کہ روسٹر سسٹم کی وجہ سے مزید خواتین کا روزگار سے محروم ہو جانے کا خطرہ ہے۔ انہوں نے کہا کہ چیف منسٹر ریونت ریڈی نے آج مودی کو اپنے بزرگ بھائی کہہ کر مخاطب کیا۔
اس کا مطلب ہے کہ بی جے پی اور کانگریس ایک ہی سکّہ کے دو رخ ہیں۔ کویتا نے چیف منسٹر سے مطالبہ کیا کہ وہ وضاحت کریں کہ مودی ہمارے لیے کیسے بزرگ بن سکتے ہیں جبکہ انہوں نے مرکزی بجٹ میں تلنگانہ کو ایک روپیہ بھی نہیں دیا۔
ہمیں فالو کریں
