علی گڑھ مسلم یونیورسٹی کی طالبات سے راہل گاندھی کی ملاقات، ’حجاب‘ سے متعلق اپنا نظریہ کیا ظاہر

راہل گاندھی سے ملاقات کے بعد کچھ طالبات نے خوشی کا اظہار بھی کیا۔ ایک طالبہ نے کہا کہ ’’ان کے لیے میں نے کچھ لکھا تھا– شہر چمن کو اپنے بہاروں پہ ناز تھا/وہ آئے اور سارے چمن پہ چھا گئے۔‘‘ اس طالبہ نے اس بات پر بھی خوشی ظاہر کی کہ راہل گاندھی نے انھیں اپنا آٹو گراف بھی دیا۔ ایک دیگر طالبہ نے راہل گاندھی سے ملاقات کو بہت خوش آئند قرار دیا اور ’بھارت جوڑو نیائے یاترا‘ کی اہمیت و افادیت پر بھی بات کی۔