[]
حیدرآباد:آندھراپردیش کے سابق وزیروتلگودیشم پارٹی کے لیڈراین چناراجپا سڑک حادثہ میں محفوظ رہے۔یہ حادثہ ہفتہ کی شب کاکناڈاضلع کے پداپورم کے قریب اُس وقت پیش آیا جب ان کی کار کے ڈرائیور نے اس کا توازن کھودیا اور یہ کار، ڈیوائیڈر سے ٹکراگئی۔
اس حادثہ میں چناراجپا محفوظ رہے۔حادثہ کا منظر وہاں لگے سی سی ٹی وی کیمرہ میں قید ہوگیاجو دیکھتے ہی دیکھتے سوشیل میڈیا کے مختلف پلیٹ فارمس پر تیزی کے ساتھ وائرل ہوگیا۔گذشتہ روز تلگودیشم پارٹی نے اپنے امیدواروں کی فہرست جاری کی تھی جس میں چناراجپا کا نام ہونے پر ان کے حامیوں اورتلگودیشم کے ورکرس نے پداپورم میں بڑے پیمانہ پرریلی نکالی۔
راجپا کی کار کو سجایاگیا اور یہ کار ٹاون میں گھمائی گئی۔دُرگاسنٹرکے قریب اچانک رکاوٹ کو دیکھتے ہوئے اس سے بچنے کی کوشش کے دوران ڈرائیور نے اس کا توازن کھودیا اور یہ کار ڈیوائیڈر سے ٹکراگئی۔پارٹی کے کارکنوں نے اس حادثہ کے ساتھ ہی چناراجپا کو کار سے نکلنے میں مدد کی۔بعد ازاں وہ دوسری کار میں گھرواپس ہوگئے۔
ہمیں فالو کریں
