[]
احمدآباد: گجرات ہائی کورٹ نے بلقیس بانو کیس کے مجرم رمیش چندنا کو 5 مارچ کو اس کے بھانجہ کی شادی میں شرکت کے لئے 10 دن کی پیرول منظور کی۔
رمیش نے پیرول کے لئے گزشتہ ہفتہ ہائی کورٹ سے رجوع کیا تھا۔ وہ 11 مجرموں کے منجملہ پیرول حاصل کرنے والا دوسرا مجرم ہے۔
سپریم کورٹ کے حکم پر 11 مجرموں نے 21 جنوری کو گودھرا ٹاؤن جیل میں خود کو سرینڈر کردیا تھا۔
حکومت ِ گجرات کے حلف نامہ کے مطابق 2008 سے جیل میں بند رہنے والا رمیش چندنا 1998 دنوں کی پیرول اور 378 دن کی فرلو لے چکا ہے۔ قبل ازیں ایک اور مجرم پردیپ موڈھیا کو 7 فروری تا 11 فروری پیرول پر رہائی ملی تھی۔
ہمیں فالو کریں
