کانگریس کے رہنما ششی تھرور کو فرانس کی جانب سے اعلیٰ ترین شہری ایوارڈ سے نوازا گیا

ششی تھرور نے اس موقع پر اپنے یو این کے دور کو یاد کرتے ہوئے کہا کہ ’’مجھے ذاتی طور پر فرانسیسی وزرائے خارجہ کی ایک بڑی تعداد کو جاننے اور فرانسیسی جمہوریہ کے 3 صدور اور کئی وزرائے اعظم سے ملاقات کا شرف حاصل ہوا ہے۔‘‘ انہوں نے کہا کہ ’’ہندوستان اور فرانس اتحاد بنانے کی عجلت کو تسلیم کرتے ہیں جو اس غیر مستحکم دور میں کچھ استحکام فراہم کر سکتے ہیں۔‘‘ کانگریس کے رکن پارلیمنٹ نے 2002 میں ’سینٹر نیشنل ڈو لیور‘ کے ذریعہ اسپانسر کردہ ’بیلس ایٹرینجرس‘ کے لئے اپنے فرانس کے دورے کے اہم لمحے کو بھی یاد کیا۔ اس تقریب میں ہندوستان میں فرانس کے سفیر تھیری میتھاؤ، ہندوستان کے G20 شیرپا امیتابھ کانت اور کانگریس لیڈر آنند شرما سمیت دیگر لوگ شریک ہوئے۔