[]
حیدرآباد: سوشل میڈیا پر جاری ان افواہوں کے درمیان کہ آئندہ دو ماہ کے دوران کانگریس کے پانچ اہم قائدین کی بی آر ایس میں شمولیت کا امکان ہے؟
کانگریس پارٹی کی جانب سے ان پانچ قائدین کی نشاندہی کرنے کی کوششوں کو تیز کردیا گیا ہے۔ سوشل میڈیا میں خبریں تیزی سے گشت کررہی ہیں کہ متحدہ ضلع نلگنڈہ سے تین اور ضلع میدک سے دو قائدین نے چیف منسٹر کے چندر شیکھر راؤ کے آپریشن آکرش سے متاثر ہوکر بی آر ایس میں شمولیت پر رضامندی ظاہر کی ہے۔
ان خبروں کے سامنے آتے ہی کانگریس قیادت حرکت میں آگئی۔
اُسی دوران دو قائدین نے سامنے آکر وضاحت کی کہ وہ کانگریس چھوڑنے کا قطعی ارادہ نہیں رکھتے۔
جن قائدین نے بی آر ایس میں شمولیت اختیار کرنے کی تردید کی اُن میں رام ریڈی دامودر ریڈی اور این اتم کمار ریڈی قابل ذکر ہیں۔
ابھی دو قائدین کے نام سامنے آنا باقی ہے جن کے متعلق افواہیں گشت کررہی ہیں۔
