[]
مہر خبررساں ایجنسی کی رپورٹ کے مطابق، اقوام متحدہ کی سیکورٹی کونسل میں روس کے نمائندے دمتری بولیانسکی نے امریکہ اور مغربی ممالک کی جانب سے یمن پر حملے کی شدید مذمت کرتے ہوئے کہا ہے کہ مغربی ممالک کے یمن پر حملے بین الاقوامی قوانین کی کھلی خلاف ورزی ہے۔
انہوں نے کہا کہ ہر ملک کو اپنے سمندری حدود کی حفاظت کا حق ہے۔ امریکی اتحاد کے حملوں سے یمن کے حقوق پامال ہورہے ہیں اور بین الاقوامی حدود میں سمندری سیکورٹی کو شدید خطرات لاحق ہوگئے ہیں۔
اس سے پہلے یمنی چینل المسیرہ نے کہا تھا کہ یمن کے ساحلی صوبے الحدیدہ کے قصبے الجبانہ پر اتحادی ممالک نے حملے کئے ہیں۔
غزہ پر صہیونی فورسز کے حملوں کے بعد یمنی فوج نے بحیرہ احمر اور خلیج عدن میں اسرائیلی بندرگاہ کی جانب جانے والی کشتیوں کو حملوں کا نشانہ بنایا ہے۔
