[]
حیدرآباد:مادھو پور پولیس نے چٹ فنڈ دھوکہ دہی کے الزام میں 2 ملزمین کو گرفتار کرلیا اور ان کے قبضہ سے 3 سیل فونس ضبط کرلئے۔
مادھو پور ڈپٹی کمشنر پولیس وسنت جی نے پریس کانفرنس سے خطاب کرتے ہوئے بتایا کہ منچریال کے 47 سالہ ای سرینواس اور 27 سالہ ای راکیش ورما کو گرفتار کرلیا گیا۔ یہ دونوں ستمامورتی چٹ فنڈ کے ڈائرکٹرس بتائے جاتے ہیں۔
ان کا ایک ساتھی گنیش ڈائرکٹر متوطن ورنگل مفرور بتایا گیا ہے۔ مذکورہ تینوں ملزمین نے 120 افراد سے 5 کروڑ روپئے چٹ فنڈ میں انوسمنٹ کروایا تھا جبکہ ان کے پاس لائسنس نہیں تھا، پولیس نے عوام سے اپیل کی ہے کہ انھیں یہ دیکھنا چاہئے کہ چٹ فنڈ کمپنی رجسٹرڈ ہے یا نہیں۔
پولیس نے یہ بھی کہا کہ عوام کو اس طرح کے دھوکہ بازوں کے خلاف کوئی اطلاع ہو تو فوری پولیس کے واٹس ایپ نمبر 9490617444 پر اطلاع دے سکتے ہیں۔
ہمیں فالو کریں
