شکاگو میں حیدرآباد کے طالب علم پر جان لیوا حملہ، ہندوستانی قونصل خانہ رابطے میں

سوشل میڈیا پر طالب علم کے حملے کی ویڈیو سامنے آئی ہے جس میں زخمی طالب علم خود پر ہوئے حملے کے بارے میں بتا رہا ہے۔ طالب علم کے چہرے سے خون بہہ رہا ہے۔ سوشل میڈیا پر شیئر کی گئی ایک دیگر ویڈیو میں 3 حملہ آور شکاگو کی سڑکوں پر مظاہر علی کا پیچھا کرتے ہوئے نظر آ رہے ہیں۔ شکاگو پولیس نے اس واقعے پر اب تک کوئی بیان جاری نہیں کیا ہے۔ واضح رہے کہ حالیہ دنوں میں امریکہ میں رہنے والے ہندوستانی طلباء پر حملوں میں اضافہ ہوا ہے۔ گزشتہ ہفتے ہی امریکہ کے اوہیا ریاست کے سِنسناٹی میں شریس ریڈی نامی ایک ہندوستانی طالب علم کی مشتبہ طور پر موت ہوگئی تھی۔