[]
حیدرآباد: آندھراپردیش کانگریس پارٹی کی سربراہ وائی ایس شرمیلا نے آج گنڈ لکما پروجیکٹ کا معائنہ کیا۔ اس موقع پر شرمیلا نے الزام لگایا کہ پروجیکٹ کو وائی ایس آرکانگریس حکومت نظر انداز کررہی ہے۔
انہوں نے برہمی کا اظہار کرتے ہوئے کہا کہ وائی ایس آر گنڈلاکما پراجکٹ جل یگنم کے حصہ کے طور پر تعمیر کیا گیا تھا۔ انہوں نے کہا کہ گنڈلکما ایک ایسا پروجیکٹ ہے جو 12 منڈلوں کو پینے کا پانی فراہم کرتا ہے اور ایک لاکھ ایکڑ پر کاشت کا پانی فراہم کرتا ہے۔
انہوں نے کہا کہ اس پروجیکٹ کا پہلا دروازہ 16 ماہ قبل اور دوسرا دروازہ تین ماہ قبل بہہ گیا تھا۔ انہوں نے وائی ایس آر سی پی حکومت پر تنقید کی کہ گنڈلاکما پروجیکٹ کی دیکھ بھال کے لیے سالانہ ایک کروڑ روپے بھی نہیں دیئے گئے۔
انہوں نے کہاکہ وزیر آبپاشی نے اس پروجیکٹ کی کوئی پرواہ نہیں کی۔ شرمیلا نے کہا کہ اے پی کو خصوصی ریاست کا درجہ اور وشاکھا اسٹیل پلانٹ تب ہی ملے گا جب کانگریس اقتدار میں آئے گی۔
ہمیں فالو کریں
