[]
حیدرآباد: محکمہ سیول سپلائز نے فروری کے اواخر تک نئے راشن کارڈس کیلئے درخواستیں لینے کا فیصلہ کیا ہے۔ حکومت کے پرجاپالنا پروگرام کے تحت نئے راشن کارڈس کیلئے بھی الگ سے درخواستیں لی گئی تھیں لیکن ان درخواستوں پر حکومت کا کوئی واضح فیصلہ سامنے نہیں آیا ہے۔
محکمہ سیول سپلائز نے پہلے کی طرح درخواستیں لینے کا فیصلہ کیا ہے۔ نیشنل انفارمیٹکس سنٹر (این آئی سی) نے ایک مخصوص سافٹ ویر تیار کیاہے۔ کانگریس حکومت اپنی 6 ضمانتوں کے ساتھ ساتھ راشن کارڈ کیلئے بھی کافی سنجیدہ ہے۔
حکومت کا ماننا ہے کہ ریاست میں بہت سے ضرورتمند افراد کے پاس راشن کارڈس نہیں ہے۔ اسی کے پیش نظر حکومت نے نئے راشن کارڈ کےلئے درخواستیں قبول کرنے کا فیصلہ کیا ہے۔
واضح رہے کہ اس وقت ریاست میں 90 لاکھ سفید راشن کارڈ ہولڈرس ہیں اور 2.86 کروڑ استفادہ کنندگان ہیں۔ بی آر ایس کے دور حکومت میں تقریباً 6.5 لاکھ نئے راشن کارڈ جاری کئے گئے تھے۔ اس سے تقریباً 20 لاکھ افراد استفادہ کررہے ہیں۔
ہمیں فالو کریں
