[]
حیدرآباد: ریاستی وزیرٹرانسپورٹ پونم پربھاکرنے کہا کہ کانگریس حکومت‘ بنکروں کو درپیش مسائل حل کرنے کیلئے سنجیدہ ہے۔ آج بی جے پی کے قومی جنرل سکریٹری بنڈی سنجے کی جانب سے بنکروں کے مسائل حل کرنے کا مطالبہ کرتے ہوئے چیف منسٹر اے ریونت ریڈی کے نام تحریر کردہ مکتوب پر سماجی پلاٹ فارم’ایکس‘ پر ردعمل ظاہرکرتے ہوئے پونم پربھاکرنے کہا کہ بی جے پی قائدین کو مگر مچھ کے آنسو بہانے کے بجائے اپنی ذمہ داری ادا کرتے ہوئے بنکروں پر عائد اضافہ‘ مالی بوجھ کو کم کرانے کی کوشش کرناچاہئیے۔
انہوں نے مزید کہا کہ بنکروں کے تیارکردہ پارچہ جات پر مرکز کی جانب سے عائد ک ردہ پانچ فیصد جی ایس ٹی کو ردکیاجاناچاہئیے۔ مرکزی حکومت کی جانب سے ردکردہ ہینڈلوم ڈیولپمنٹ بورڈ کا احیاء کیاجاناچاہئیے۔ بنکروں کو دی جانے والی رعایتوں کو دوبارہ بحال کیاجاناچاہئیے۔
پونم پربھاکر نے کہا کہ سرسلہ میں میگاپاورلوم کلسٹرکی تجویز مرکزی حکومت کے پاس برف دان میں پڑی ہے۔ اب بی جے پی قائدین ناچ نہ ج انے آنگن ٹیڑھا کا رویہ اختیارکرتے ہوئے بنکروں کے ساتھ دکھاوے کی ہمدردی جتا رہے ہیں۔
مگر انہیں جان لیناچاہئیے کہ کانگریس حکومت کو کسی کے صلاح ومشورہ کی ضرورت نہیں ہے۔ ہم بنکروں کی فلاح وبہبود کے لئے پابند عہد ہیں اور تمام حائل رکاوٹوں کو دورکرتے ہوئے ان کی مدد کریں گے۔
ہمیں فالو کریں
