[]
حیدرآباد: بی آر ایس کے کارگزار صدر کے ٹی راما راؤ نے کہا کہ تلنگانہ عوام کی آواز کو پارلیمنٹ میں شدت کے ساتھ اٹھانے کیلئے2024 کے پارلیمنٹ انتحابات میں بی آر ایس کے حق میں ووٹ دینا ضروری ہے۔
آج سوشل میڈیاپلاٹ فام ایکس پر2024کے پارلیمنٹ انتخابات میں بی آر ایس کو ہی کیوں ووٹ دینا چاہئے؟ کہ موضوع پر ٹوئٹ کرتے ہوئے راما راو نے کہا کہ پارلیمنٹ میں تلنگانہ کے عوام کی آواز اٹھانے کی صلاحیت صرف بی آر ایس میں ہی ہے۔
انہوں نے مثال پیش کرتے ہوئے کہا کہ16ویں اور17 ویں لوک سبھا میں بی آر ایس ارکان پارلیمنٹ نے تلنگانہ کے حقوق اور تلنگانہ کے مفادات پر مرکزی حکومت کو آڑے ہاتھوں لیا تھا۔ انہوں نے کہا کہ پارلیمنٹ میں تلنگانہ کے ارکان کی جانب سے جملہ4754 اور بی جے پی نے صرف190 بار سوال کیا۔
انہوں نے کہا کہ 2014 میں تشکیل تلنگانہ کے بعد سے پارلیمنٹ میں تلنگانہ عوام کی واحد آواز بی ار ایس ہی رہی۔ انہوں نے کہا کہ گزشتہ کل، آج اور آنے والے کل اور ہمیشہ تلنگانہ عوام کی آواز بی آر ایس ہی رہے گی۔
ہمیں فالو کریں
