[]
گونڈہ: ریسلنگ فیڈریشن آف انڈیا (ڈبلیو ایف آئی) کے سابق صدر اور بی جے پی رکن پارلیمنٹ برج بھوشن شرن سنگھ نے کہا کہ بین الاقوامی ریسلر ساکشی ملک کے گھر ان کی دعوت پر جانا کانگریس جنرل سکریٹری پرینکا گاندھی کا ذاتی فیصلہ ہے۔
نندنی نگر اسٹیڈیم میں نامہ نگاروں سے بات کرتے ہوئے انہوں نے پہلوان بجرنگ پونیا کے فٹ پاتھ پر پدم شری ایوارڈ رکھنے کو بھی اپنا ذاتی فیصلہ قرار دیا اور کہا، ”کھلاڑی سیاست کرتے ہیں یا کھیلتے ہیں یہ ان پر منحصر ہے۔
خاتون ریسلر ساکشی ملک کی ریٹائرمنٹ پر انہوں نے کہا کہ ”جو کچھ پیچھے رہ گیا وہ پیچھے رہ گیا۔ یہ وقت کسی کو نیچا دکھانے کا نہیں ہے۔انہوں نے کہا کہ تنازعات کی وجہ سے ریسلنگ ایسوسی ایشن کے انتخابات زیر بحث آئے۔ نئی فیڈریشن کے صدر سنجے سنگھ نے 40 ووٹ حاصل کر کے کامیابی حاصل کی۔ اب مقصد ریسلنگ کو آگے لے جانا ہے۔
تنازعات کی وجہ سے گزشتہ 11 ماہ سے نہ تو قومی اور نہ ہی ریاستی سطح کے ٹورنامنٹ منعقد ہو سکے۔
انہیں پہلے ہی پرانی فیڈریشن سے وابستہ لوگوں کی طرف سے ذمہ داری سنبھالنے کی توقع تھی۔
ایم پی نے کہا کہ ایمرجنسی میں 31 دسمبر سے پہلے کشتی کا نیشنل اور اسٹیٹ ٹورنامنٹ کرانا انتہائی ضروری تھا، اس لیے ملک کے تمام کھلاڑیوں کے سال 2023 کو برباد ہونے سے بچانے کے لیے گونڈہ کے نندی نگر اسٹیڈیم میں ٹورنامنٹ کا انعقاد کیا جا رہا ہے۔
ہمیں فالو کریں
