پارلیمنٹ میں سکیورٹی کی خلاف ورزی: ساتویں شخص مہیش پر بھی لوک سبھا میں دخل اندازی میں ملوث ہونے کا شبہ

نئی دہلی: پارلیمنٹ کی سکیورٹی میں نقب زنی معاملہ کے ماسٹر مائنڈ للت جھا نے نئی دہلی کے علاقے میں پولیس اسٹیشن میں خودسپردگی کر دی ہے۔ پولیس کا کہنا ہے کہ ملزم للت جھا خود مہیش نامی شخص کے ساتھ کرتویہ پتھ تھانے پہنچا تھا۔ یہاں للت نے خود سپردگی کر دی۔ للت جھا کو پولیس نے گرفتار کر لیا، جبکہ مہیش کو حراست میں رکھا گیا ہے۔

پولیس کے مطابق ماسٹر مائنڈ للت جھا دہلی سے سیدھا راجستھان کے ناگور بھاگ گیا تھا۔ یہاں وہ مہیش نامی شخص کے ٹھکانے پر پہنچا۔ مہیش کو 13 دسمبر کو دہلی پارلیمنٹ ہاؤس بھی آنا تھا۔ مہیش کو اس سازش کا پورا علم تھا۔ للت نے مہیش کے ساتھ سیدھا دہلی پہنچ کر خودسپردگی کی۔