[]
حیدرآباد: صدر بی آر ایس ورکن اسمبلی گجویل کے چندر شیکھر راؤ، پارٹی کی شکست کے بعد سے ایراولی میں واقع اپنے فام ہاوز میں قیام پذیر ہیں۔
آج کے سی آر سے ملاقات کیلئے ضلع سدی پیٹ کے چنتالا مڈکا دیہات کے عوام فام ہاوز پہنچے، پانچ بسوں میں سوار 540 افراد کو فام ہاوز کے قریب قائم پولیس چیک پوسٹ پر ہی روک دیاگیا۔
پولیس نے عوام کو بتایا کہ انہیں کے سی آر کی طرف سے کسی کو بھی اندر بھیجنے کی اجازت نہیں دی گئی ہے۔ اس لئے وہ کسی کو بھی کے سی آر سے ملاقات کی اجازت نہیں دے سکتے۔
پولیس کی جانب سے اختیا ر کردہ سخت گیر رویہ سے عوام کو مایوسی کا سامنا کرنا پڑا۔ دو روز قبل بی آر ایس کے نو منتخبہ اراکین اسمبلی، سابق اراکین اسمبلی وزراء، اور سینئر پارٹی قائدین نے فام ہاوز پہنچ کر کے سی آر سے ملاقات کی تھی۔
