امریکی حملے میں ہلاک ہندوستانی ملاحوں کی 8 دن بعد گاؤں پہنچی لاش، پوسٹ مارٹم کے بعد آخری رسومات آج ہوں گی ادا

افسران کے مطابق متاثرہ خاندان کی گزارش پر آج صبح لاش کے پوسٹ مارٹم کی کارروائی شروع کردی گئی جس کے بعد آخری رسومات ادا کی جائیں گی۔ اس دوران سلیم پور سے سماج وادی پارٹی کے ممبر پارلیمنٹ رما شنکر راجبھر نے غمزدہ خاندان سے ملاقات کی اور ایک کروڑ روپئے کا معاوضہ، حاندان کے ایک ممبر کو سرکاری نوکری اور فوجی اعزاز کے ساتھ آخری رسومات ادا کئے جانے کا مطالبہ کیا۔ انہوں نے کہا کہ یہ معاملہ پارلیمنٹ میں اٹھایا جائے گا اور سماج وادی پارٹی کے سربراہ اکھلیش یادو خاندان کی ہر ممکن مدد کریں گے۔ اسی دوران بی جے پی ممبر اسمبلی سریندر چورسیا نے بھی متاثرہ خاندان سے ملاقات کی اور اس مشکل وقت میں ان کے ساتھ کھڑے ہونے کی بات کہی۔