[]
کویت: کویتی گلوکار شمس کے اس دعوے نے سوشل میڈیا پر ہنگامہ برپا کردیا ہے کہ جو مرد مرغی کا گوشت کھاتے ہیں ان کی ذہنی حالت بدل جاتی ہے۔
اخبار مزمز اورالمرصد کے مطابق ویڈیو کلپ میں کویتی گلوکارہ شمس یہ دعویٰ کرتی ہیں کہ مرغی کا گوشت کھانے سے مردوں میں نزاکت آ جاتی ہے اور اس کی وجہ یہ ہے کہ مرغیاں خواتین کی خوراک ہیں مردوں کو مردانہ خوراک استعمال کرنی چاہئے۔
شمس کے مطابق دنیا میں ہر چیز میں ’نر‘ اور’مادہ‘ ہوتے ہیں مرغی مادہ ہے لہٰذا مردوں کو مرغی نہیں کھانی چاہئے۔
انہوں نے کہا کہ بہتر ہوگا کہ مرد حضرات ’پائے‘ اور اس جیسے دیگر پکوان استعمال کریں۔
کویتی گلوکارہ کے مذکورہ دعوے پر سوشل میڈیا پر زیادہ تر افراد نے کہا کہ شمس کے بیان کو سنجیدگی سے لینے کی کوئی ضرورت نہیں بلکہ یہ ایک مضحکہ خیز بیان ہے۔
