واشنگٹن: آبنائے ہرمز میں تجارتی جہاز رانی پر بڑھتے ہوئے حملوں کے تناظر میں ہندوستان نے گہری تشویش کا اظہار کیا ہے، جبکہ اقوام متحدہ کی سلامتی کونسل میں ایران کے خلاف پیش کردہ قرارداد پر روس اور چین کے ویٹو کے معاملے میں غیر جانب دار مؤقف اپناتے ہوئے کسی بھی فریق کی کھلی حمایت سے گریز کیا ہے۔
اقوام متحدہ کی جنرل اسمبلی کے اجلاس سے خطاب کرتے ہوئے ہندوستان کے مستقل نمائندے پی ہریش نے کہا کہ موجودہ صورتحال میں تمام ممالک کو کشیدگی کم کرنے کے لیے بات چیت اور سفارت کاری کو فروغ دینا چاہیے۔ انہوں نے زور دیا کہ عالمی امن کے لیے ضروری ہے کہ تنازعات کو پرامن ذرائع سے حل کیا جائے اور کسی بھی طرح کی عسکری شدت سے گریز کیا جائے۔
