مہر خبررساں ایجنسی کی رپورٹ کے مطابق، امریکا نے کویت میں اپنے ایک جنگی طیارے کے گرنے کی تصدیق کر دی ہے۔ امریکی اخبار وال اسٹریٹ جرنل کے مطابق امریکی سینٹرل کمانڈ کے ایک عہدیدار نے بتایا کہ کم از کم ایک امریکی جنگی طیارہ کویت میں حادثے کا شکار ہوا۔
الجزیرہ کے حوالے سے شائع رپورٹ میں کہا گیا ہے کہ واقعے کی تحقیقات جاری ہیں، جبکہ حادثے کی وجوہات فوری طور پر سامنے نہیں آ سکیں۔
دوسری جانب کویت کی وزارت دفاع نے اعلان کیا ہے کہ حادثے کے دوران طیارے کے پائلٹوں نے ہنگامی طور پر خود کو جہاز سے باہر نکال لیا۔
وزارت دفاع کے مطابق واقعے کی وجوہات جاننے کے لیے امریکی حکام سے رابطہ برقرار ہے۔
قبل ازیں بعض میڈیا رپورٹس میں دعویٰ کیا گیا تھا کہ حادثے کے بعد پائلٹوں کو مقامی افراد نے تحویل میں لے لیا، تاہم بعد میں انہیں کویتی سیکیورٹی حکام کے حوالے کر دیا گیا۔
رپورٹس کے مطابق طیارہ شمالی کویت کے علاقے الجہرا میں گر کر تباہ ہوا۔
