[]
تل ابیب: 143مسافرین بشمول دونیپالیوں اور 4 دودھ پیتے بچوں پرمشتمل خصوصی پرواز اتوار کے دن ہندوستان روانہ ہوگئی۔ 12اکتوبر کو شروع کئے گئے آپریشن اجئے کے تحت یہ چھٹویں پرواز ہے۔
آپریشن اجئے اسرائیل سے وطن واپسی کے خواہاں ہندوستانیوں کیلئے چلایاجارہا ہے۔ باخبر ذرائع نے پی ٹی آئی کو بتایاکہ گذشتہ منگل کو 18نیپالی شہری ہندوستان لائے گئے تھے۔
اسرائیل میں حماس کے 7اکتوبر کے حملہ کے بعد ہندوستانی شہریوں کا رضاکارانہ طور پر وہاں سے نکل جانا ضروری ہوگیا ہے۔ تل ابیب سے تاحال پانچ چارٹرڈ پروازوں میں تقریباً1200 مسافرین بشمول بچے نئی دہلی پہنچ چکے ہیں۔
جنگ شروع ہونے کے بعد سے تقریباً4400 فلسطینی جاں بحق ہوئے اور کم ازکم 1400اسرائیلی اور بیرونی شہری اسرائیل میں ہلاک ہوئے۔
