حیدرآباد: تلنگانہ کے جئے شنکر بھوپال پلی ضلع میں ایک خوفناک سڑک حادثہ پیش آیا، جس میں تین افراد موقع پر ہی ہلاک ہوگئے۔یہ حادثہ گزشتہ رات بھوپال پلی منڈل کے رام پور علاقہ میں پیش آیا، جہاں دو بائیکس متصادم ہو گئیں۔
مقامی افراد نے فوری طور پر پولیس کو اطلاع دی، جس کے بعد پولیس عہدیدارجائے حادثہ پر پہنچ گئے اور امدادی کارروائیاں انجام دیں۔
مہلوکین کی شناخت بھوپال پلی منڈل کے مینا جی پیٹ سے تعلق رکھنے والے رویندر ریڈی اور لڈو پامبا پور گاؤں کے ستیش کے طور پر کی گئی ہے۔
ایک اور مہلوک کی فوری طور پر شناخت نہیں ہو سکی۔
لاشوں کو پوسٹ مارٹم کے لیے سرکاری اسپتال منتقل کر دیا گیا۔
پولیس نے متاثرہ خاندانوں کی شکایت پر مقدمہ درج کر لیا ہے اور حادثہ کی وجوہات معلوم کرنے کیلئے جانچ شروع کردی۔
ہمیں فالو کریں
