سری نگر: وزیر اعلیٰ عمر عبداللہ نے ہیرتھ کے مقدس تہوار کے موقع پر لوگوں کو مبارکباد پیش کی ہے۔انہوں نے دعا کی کہ یہ مقدس تہوار لوگوں کے لئے خوشی و خوشحالی کی نوید لے کر آئے۔
بتادیں کہ ہیرتھ چار دنوں پر محیط ہندو مذہب کا ایک مقدس تہوار ہے۔ اس تہوار کو ہندوستان کے ساتھ ساتھ پڑوسی ممالک بشمول پاکستان میں مقیم ہندو برادری کے لوگ بھی انتہائی تزک و احتشام کے ساتھ مناتے ہیں۔
ہند مت کے مطابق یہ تہوار بھگوان شیو اور دیوی پاروتی کی شادی کی خوشی میں منایا جاتا ہے.عمر عبداللہ نے اس مقدس موقع پر لوگوں کو مبارکباد پیش کی۔
انہوں نے ‘ایکس’ پر ایک پوسٹ میں کہا: ‘ہیرتھ کے موقع پر تمام لوگوں کی خوشی اور برکت کا خواستگار ہوں’۔
انہوں نے کہا: ‘ دعا ہے کہ یہ مقدس تہوار ہر گھر میں امن، خوشحالی اور الہی برکات لے کر آئے۔ ہیرتھ مبارک’۔
قابل ذکر ہے کہ وادی میں اس موقع پر بڑی تعداد میں عقیدت مند شنکر آچاریہ حاضری دے کر پوجا کرتے ہیں۔
ہمیں فالو کریں
