بی جے پی نے اسمبلی سیشن کے دوران اپوزیشن کو بدعنوانی کے معاملات پر گھیرنے کی حکمت عملی بنائی ہے۔ پارٹی کے ذرائع کے مطابق، حکومتی اراکین یمنا صفائی، شراب گھوٹالہ، ’شیش محل‘ کیس اور سی اے جی رپورٹ جیسے معاملات کو ایوان میں اٹھائیں گے۔ بی جے پی کی قیادت نے اپنے اراکین کو ہدایت دی ہے کہ وہ ہر سوال کا مدلل جواب دیں تاکہ اپوزیشن کو کوئی سیاسی فائدہ نہ پہنچ سکے۔
حکومت کی کوشش ہے کہ دہلی کے عوام کے سامنے اپوزیشن کی خامیوں کو اجاگر کیا جائے اور اس کے طرزِ حکمرانی پر سوالات کھڑے کیے جائیں۔ بی جے پی کے مطابق، گزشتہ حکومت نے دہلی کی ترقی کو متاثر کیا، اور اس کا احتساب ضروری ہے۔
