مرکزی الیکشن کمیشن میں گیانیش کمار کو نیا چیف الیکشن کمشنر مقرر کیا گیا ہے۔ موجودہ چیف الیکشن کمشنر راجیو کمار کی مدت مکمل ہونے کے بعد، مودی حکومت نے اس عہدے کے لیے گیانیش کمار کا انتخاب کیا۔ وہ 26 جنوری 2029 تک اس عہدے پر فائز رہیں گے۔
گیانیش کمار 1998 بیچ کے کیرالہ کیڈر کے آئی اے ایس افسر ہیں۔ وہ اس وقت الیکشن کمیشن میں سب سے سینئر الیکشن کمشنر کے طور پر خدمات انجام دے رہے تھے۔ اس عہدے پر فائز ہونے سے پہلے، وہ مرکزی وزارت داخلہ میں مختلف اہم ذمہ داریاں نبھا چکے ہیں۔
گیانیش کمار نے آرٹیکل 370 کے خاتمے کے بل کی تیاری میں بھی اہم کردار ادا کیا تھا، جس کے تحت جموں و کشمیر کی خصوصی حیثیت ختم کر دی گئی تھی۔
چیف الیکشن کمشنر اور دیگر الیکشن کمشنرز کے تقرر کے لیے وزیر اعظم نریندر مودی کی سربراہی میں ایک تین رکنی کمیٹی نے امیدواروں کے ناموں کو حتمی شکل دی۔ اس کمیٹی میں مرکزی وزیر داخلہ امت شاہ اور لوک سبھا میں اپوزیشن لیڈر راہول گاندھی بھی شامل تھے۔
