چند روز قبل، کیجریوال نے ہریانہ حکومت پر الزام لگایا تھا کہ وہ دہلی کو آلودہ پانی فراہم کر رہی ہے جسے صاف کرنا ممکن نہیں۔ ان کے مطابق، یہ پانی دہلی کی عوام کے لیے خطرناک ہے اور بی جے پی دہلی میں اجتماعی قتل عام کی سازش کر رہی ہے۔
کیجریوال کے اس بیان پر بی جے پی اور کانگریس نے سخت ردعمل ظاہر کیا۔ کیجریوال نے اپنے جواب میں دہلی جل بورڈ کے سی ای او کے خط کا حوالہ دیتے ہوئے دعویٰ کیا کہ ان کا بیان ایک اہم عوامی مسئلے کو اجاگر کرنے کے لیے تھا۔ تاہم الیکشن کمیشن نے انہیں نوٹس جاری کر دیا۔ کمیشن نے ان سے پانچ سوالات کے جوابات طلب کیے، جن میں ہر سوال جمنا میں زہر کے حوالے سے ان کے الزامات کی وضاحت پر مبنی ہے۔
