حیدرآباد: جاریہ سال تلنگانہ میں انٹرمیڈیٹ کے ہال ٹکٹس طلبہ کے موبائل فون پر دستیاب ہوں گے۔ پہلے یہ صرف کالجوں کو بھیجے جاتے تھے اور طلبہ انہیں ویب سائٹ سے ڈاؤن لوڈ کرتے تھے۔ لیکن اس بار انٹربورڈ کے حکام طلبہ کے موبائل نمبر پر لنک بھیج رہے ہیں جن نمبرات کا انھوں نے اندراج کروایا ہے۔
ایک عہدیدار نے کہا کہ اگر آپ اس لنک پر کلک کریں گے تو آپ کو ہال ٹکٹ مل جائے گا اور آپ اسے ڈاؤن لوڈ کر سکتے ہیں۔ انہوں نے مزید کہا کہ سال اول کے طلبہ کو یہ لنک بھیج دیا گیا ہے کیونکہ ان کے انٹرنل امتحانات جمعرات سے شروع ہوئے
اور سال دوم کے طلبہ کو بھی یہ لنک جلد ہی بھیجا جائے گا کیونکہ ان کے پریکٹیکل 3 فروری سے ہیں۔واضح رہے کہ ریاست میں تقریباً 9.50 لاکھ طلبہ 5 مارچ سے شروع ہونے والے سالانہ امتحانات میں شریک ہوں گے۔
