بدھ کی دیر رات قومی راجدھانی دہلی کے ساتھ ساتھ این سی آر کے مختلف علاقوں میں ہوئی بارش نے ایک بار پھر موسم کا مزاج بدل دیا ہے۔ اس سے پہلے دہلی-این سی آر کے علاقوں میں کچھ دنوں سے مارچ جیسی گرمی کا احساس ہو رہا تھا لیکن بارش نے موسم کو پھر سے ٹھنڈا کر دیا۔
بارش سے پہلے بدھ کو دن بھر تیز دھوپ سے راجدھانی دہلی میں زیادہ سے زیادہ درجہ حرارت 25.6 ڈگری سیلسیس درج کیا گیا جو معمول سے 5.3 ڈگری زیادہ ہے۔ اس کے ساتھ ہی کم سے کم درجہ حرارت 9.3 ڈگری رہا جو معمول سے 1.8 ڈگری زیادہ ہے۔ یہی وجہ ہے کہ لوگوں کو جنوری میں مورچ جیسا احساس ہو رہا تھا۔
