[]
رانچی: جیل میں بند چیف منسٹردہلی اروندکجریوال کی بیوی سنیتا کجریوال نے اتوار کے دن مرکز کی بی جے پی حکومت پر الزام عائد کیاکہ وہ ان کے شوہر کو انسولین سے محروم رکھ کر ماردیناچاہتی ہے۔ انہوں نے زوردے کرکہا کہ اپوزیشن انڈیا بلاک بی جے پی کی آمریت کے خلاف لڑے گا اور جیتے گا۔
انہوں نے رانچی میں نیائے ریالی میں کہا کہ وہ لوگ میرے شوہر اروندکجریوال کو ہلاک کردیناچاہتے ہیں۔ ان کی غذا کیمرہ کی نگاہ میں ہے۔ انہیں انسولین نہیں دی جارہی ہے۔ میرے شوہر 12 سال سے انسولین لے رہے ہیں۔ انہیں روزانہ 50 یونٹ انسولین کی ضرورت پڑتی ہے۔
سنیتاکجریوال نے دعویٰ کیاکہ ان کے شوہر کو عوام کی خدمت(جن سیوا) کیلئے گرفتارکیاگیا۔ ان کے خلاف کوئی الزام ثابت نہ ہوسکا۔ انہوں نے کہا کہ ہم‘ آمریت کے خلاف لڑیں گے اور فاتح رہیں گے۔ جیل کی گیٹ ٹوٹے گی اور اروندکجریوال‘ہیمنت سورین باہرآئیں گے۔
ہمیں فالو کریں
