’ہاتھ بدلے گا حالات‘ کے نعرے کے ساتھ جاری ہوا کانگریس کا ’نیائے پتر‘ جاری، غریبوں کی خوشحالی کا وعدہ

کھڑگے نے کہا کہ منشور غریبوں کے لیے وقف ہے اور ملک کے غریبوں کو عزت دینے کا وعدہ کرتا ہے۔ اس میں عام لوگوں کی معاشی حالات کو بہتر بنانے کے لیے 5000 کروڑ روپے کے نئے اسٹارٹ اپ فنڈ کا بھی وعدہ کیا گیا ہے۔

انہوں نے کہا کہ ہم ملک کی سماجی اور اقتصادی رفتار کو آگے لے کر جائیں گے۔ کسانوں، غریبوں، مزدوروں، خواتین اور محروم طبقات کے لیے ترقی کے بند دروازے کھولیں گے۔ یہ ہمارا عہد ہے۔ وزیر اعظم نریندر مودی ہمیشہ ڈاکٹر منموہن سنگھ کی قیادت والی حکومت پر تنقید کرتے ہیں، لیکن ان 10 سالوں میں کانگریس نے منریگا، حق اطلاعات، فوڈ سیکورٹی، اراضی حصول قانون، تعلیم کا حق سمیت کئی اقدامات اٹھائے ہیں۔ سونیا گاندھی کا منریگا اور فوڈ سیکورٹی کے پیچھے بہت بڑا تعاون کیا ہے۔ مودی جی اپنے 10 سال کے دور اقتدار میں اس کے مقابلے میں ایک بھی کام نہیں کر سکے۔‘‘