[]
احمدآباد: سماجی جہدکار تیستا سیتلواد نے احمدآباد کرائم برانچ کی درج کردہ ایف آئی آر رد کرانے گجرات ہائی کورٹ سے رجوع کیا ہے۔ ان پر 2002 کے فسادات کیس میں ثبوت گھڑنے کا الزام ہے۔
سیشن کورٹ نے حال میں ان کی ڈسچارج درخواست خارج کردی تھی جبکہ گجرات ہائی کورٹ سے راحت نہ ملنے پر سپریم کورٹ نے انہیں ضمانت منظور کی تھی۔ تیستا سیتلواد پیر کے دن ہائی کورٹ سے رجوع ہوئیں اور امکان ہے کہ معاملہ آئندہ چند دن میں سماعت کے لئے آئے گا۔
