[]
دریں اثنا، متحدہ کسان مورچہ نے آج یعنی 16 فروری کو بھارت بند کی کال دی ہے۔ کسانوں کے بھارت بند میں ٹرک اور ٹریڈ یونین بھی شامل ہیں۔ دہلی سے پنجاب، ہریانہ اور یوپی میں الرٹ جاری کیا گیا ہے۔
کسانوں کے بھارت بند کے پیش نظر پولیس نے سخت حفاظتی انتظامات کئے ہیں۔ کسان تنظیموں سے پرامن مظاہروں کا مطالبہ کیا جا رہا ہے۔ آج کسانوں کے بھارت بند کے دوران شہروں میں تمام دکانیں بند رہیں گی۔ پھلوں اور سبزیوں کی خرید و فروخت پر پابندی ہوگی۔ نجی اور سرکاری گاڑیاں بھی سڑکوں پر نہیں چل سکیں گی۔ صرف ایمبولینس جیسی ضروری خدمات کی اجازت ہوگی۔ بھارت بند کے دوران امتحانات میں شرکت کے لیے جانے والے بچوں کی گاڑیوں اور ایمرجنسی سروسز پر مامور گاڑیوں کو جانے کی اجازت دی جائے گی۔
