[]
کسانوں کے احتجاج کے پہلے دن منگل (13 فروری) کو وزیر زراعت ارجن منڈا نے کسانوں کی تحریک پر کہا کہ بات چیت کے ذریعے ہی حل نکالا جا سکتا ہے۔ انہوں نے کہا کہ حکومت ایم ایس پی کے مسئلہ کو حل کرنے کے لئے پوری طرح تیار ہے۔ وزیر زراعت نے کہا کہ کسانوں کو یہ بھی دیکھنا چاہئے کہ 2013-14 کے مقابلے 2023-24 میں ایم ایس پی کی شرح میں کتنا اضافہ ہوا ہے۔ انہوں نے کہا کہ مرکزی حکومت ہمیشہ بات چیت کے لئے تیار ہے اور کسانوں کو بات کرنی چاہئے۔ وزیر منڈا نے کہا کہ کسان تنظیموں کے ساتھ کئی دور کی میٹنگیں ہوئی ہیں۔ زیادہ تر معاملات پر اتفاق رائے ہو گیا ہے۔ جن مسائل پر اتفاق نہیں ہوا ان پر مذاکرات کا دروازہ ہمیشہ کھلا ہے۔
