[]
حیدرآباد: تلنگانہ کے وزیر ٹرانسپورٹ پونم پربھاکر نے کہا ہے کہ روڈ ٹرانسپورٹ کارپوریشن کو مستحکم بنانے کے لیے تمام کی تجاویز کے ساتھ اقدامات کیے جارہے ہیں۔ وزیر موصوف نے منیجنگ ڈائرکٹر وی سی سجنار کے ساتھ کونڈا پور آٹھویں بٹالین میں ٹی ایس آرٹی سی کانسٹیبلوں کی پاسنگ آؤٹ پریڈ میں حصہ لیا۔
اس موقع پر خطاب کرتے ہوئے وزیر موصوف نے کہا کہ آر ٹی سی دیہی عوام کی ٹرانسپورٹ کی ضروریات کو پورا کرنے میں اہم رول ادا کر رہی ہے۔
انہوں نے کہا کہ حکومت نے ادارہ کو مستحکم کرنے کے لیے کئی اقدامات کیے ہیں ان میں نئی بسوں کی خریداری اور نئے عملے کاتقررشامل ہے۔ انہوں نے کہا کہ عوام کے مفاد میں آر ٹی سی کے تحفظ اور اس کو بہتر بنانے کے اقدامات کئے جارہے ہیں۔
ہمیں فالو کریں
